Esta semana, Santiago de Compostela acolle Compostela Numérica, o curso e encontro de análise numérica Francisco Javier Sayas, que reúne a investigadores de máis de 20 institucións académicas e científicas na Facultade de Matemáticas da Universidade de Santiago de Compostela.

Un evento que pon en valor algo no que creemos firmemente: o coñecemento matemático avanzado e a industria teñen moito que dicirse. Proba diso é a mesa redonda inaugural sobre o uso da Análise Numérica na contorna empresarial, na que participou Manuel Ángel López Ferreiro, de Reganosa, xunto a representantes de Mestrelab Research, repsol e DXC Technology Galicia. Un diálogo necesario entre academia e tecido empresarial que impulsa a transferencia real de coñecemento.