A nosa responsable de Transición Enerxética, Andrea Míguez da Rocha -segunda pola esquerda na imaxe-, participou no foro «As Pontes: Construíndo Futuro», organizado pola Asociación Seara para reflexionar sobre os retos e oportunidades que expón a transformación industrial e enerxética de Galicia.

Andrea Míguez tomou parte nun coloquio xunto a Nicolás Vázquez, secretario xeral de Industria da Xunta de Galicia; Valentín González Formoso, alcalde das Pontes; Silvia Cortiñas Fernández, directora de Medio Ambiente e Desenvolvemento de Negocio de Ence – Enerxía e Celulosa, e José Luis Albo López, responsable de Indra Group en Galicia.

Durante a súa intervención, presentou a iniciativa circular que desenvolve Reganosa nas Pontes e que contempla a xeración de enerxía renovable, almacenamento e produción de hidróxeno.