Esta mañá, a nosa responsable de Transición Enerxética, Andrea Míguez da Rocha, participou na reunión da xunta directiva de Gasnam, reforzando así o compromiso de Reganosa cunha mobilidade máis sostible e co desenvolvemento de solucións enerxéticas que contribúan á descarbonización do transporte.

Gasnam é a asociación de referencia na península Ibérica para o impulso do gas natural e os gases renovables aplicados á mobilidade, tanto terrestre como marítima. O seu labor resulta clave para promover alternativas enerxéticas que reduzan emisións, melloren a eficiencia e aceleren a transición cara a modelos de transporte máis limpos e competitivos.

A presenza de Reganosa neste espazo de traballo conxunto permite achegar a nosa visión e experiencia no ámbito enerxético, participar na definición de estratexias sectoriais e colaborar con outros axentes relevantes para avanzar na implantación de combustibles de baixas emisións.

Seguimos comprometidos con impulsar iniciativas que contribúan a un sistema enerxético máis sostible, seguro e diversificado.