“En momentos de máxima criticidad, o gas natural segue sendo unha fonte enerxética firme, flexible e segura, que garante a subministración enerxética cando máis se necesita. A transición enerxética constrúese sobre a seguridade de subministración”. Así o explica en Diario de Ferrol a responsable da nosa terminal de GNL de Mugardos, Nuria Rivas.

Rivas tamén expón que a demanda de gas natural para xeración eléctrica en España aumentou tras o apagamento do 28 de abril e a posterior posta en marcha de medidas para reforzar o sistema eléctrico, incluíndo un incremento da actividade nos ciclos combinados, aínda que matiza: “No noso caso podemos afirmar que esta circunstancia non supuxo un punto de inflexión, senón a confirmación ou acentuación do que xa viña sendo un bo ano”.

“Seguimos contribuíndo -conclúe- ao desenvolvemento sostible de Galicia, á competitividade das súas industrias e fogares, e á descarbonización da súa economía como respaldo das renovables e como substitutos de fontes de menor inserción ambiental. Estamos a xogar un rol crave para garantir a seguridade da subministración en España e Europa no marco da transición enerxética.

Diario de Ferrol tamén fai balance do primeiro semestre de 2025 na planta de Mugardos, destacando que se consolidou, xunto coa de Bilbao, como a máis utilizada de España. Exceptuando o de 2023, foi o mellor primeiro semestre na historia da instalación desde a súa posta en marcha en 2007.