O gas natural é o combustible fósil de menor impacto ambiental. No fogar pode substituír con vantaxe a outros productos; no transporte por estrada evita tódolos inconvenientes da gasolina, tanto as emisións á atmosfera como ruídos.

Na xeración de electricidade, das oito tecnoloxías empregadas, só as centrais minihidráulicas e os parques eólicos son menos agresivos co medio. Comparado con outros combustibles fósiles, as vantaxes do GN son moi notables. Produce menos dióxido de carbono, case non hai emisións de xofre e de metais pesados, o óxido de nitróxeno resulta moi inferior e non ocasiona residuos sólidos.

O caracter de combustible limpo que ten o gas natural acrecéntase coa licuefacción, xa que neste proceso gaña aínda máis pureza.